قبل الدفع
تقدر تلغي الطلب بنفسك من صفحة الطلب في أي وقت طول ما لسه مدفعتش.
بعد الدفع وقبل التنفيذ
اكتب للدعم في محادثة الطلب. لو الطلب لسه ماتنفذش، بنرجعلك المبلغ اللي وصلنا.
لو مقدرناش ننفذ
لو الخدمة بقت مش متاحة أو المشكلة من عندنا، بنرجعلك المبلغ اللي وصلنا كامل.
بعد التنفيذ أو التسليم
- المنتجات الرقمية بعد ما تتشحن أو الكود يتسلّم مش بترجع، لأنها بتتستخدم فورًا.
- لو فيه مشكلة من ناحيتنا (الشحن موصلش أو الكود مش شغال)، اكتب للدعم في صفحة الطلب. بنراجع، وبنعيد التنفيذ أو نرجعلك المبلغ.
- لو الشحن وصل على بيانات غلط إنت كتبتها (زي Player ID غلط)، غالبًا مش بنقدر نسترجعه لأنه بيوصل لحساب تاني.
مبلغ ناقص أو زيادة
- لو حوّلت أقل من المطلوب، هنبلغك بالباقي. تقدر تكمّل التحويل، أو تطلب استرجاع اللي وصل.
- لو حوّلت أكتر من المطلوب، اكتب للدعم في صفحة الطلب ونرجعلك الفرق.
إزاي المبلغ بيرجع
- بيرجع على نفس المحفظة أو حساب إنستاباي اللي حوّلت منه، أو لرصيد WIND في حسابك لو اتفقنا معاك على كده في محادثة الطلب.
- الطلب اللي اتدفع من رصيد WIND فلوسه بترجع لرصيدك.
- الاسترجاع بيكون باللي دفعته فعلًا بعد خصم الكوبون، مش بالسعر قبل الخصم.
- حالة الطلب بتبقى «جاري الاسترجاع» وبعدين «تم الاسترجاع»، وبيوصلك إشعار وإيميل في كل خطوة.
رصيد WIND
- رصيد بالجنيه في حسابك، بيتضاف لما نرجعلك فلوس طلب عليه أو نعوّضك أو نديك مكافأة. كل حركة بتظهر في صفحة «رصيد WIND» في حسابك.
- تقدر تدفع بيه أي طلب يغطيه كله. مش بيتحوّل لحساب تاني ومالوش تاريخ انتهاء.
- لو عايز رصيدك يرجع فلوس على محفظتك، كلّم الدعم.