سياسة الخصوصية

البيانات اللي بنجمعها

بيانات الحساب: الاسم والإيميل وكلمة السر. كلمة السر بتتخزن مشفّرة ومحدش يقدر يشوفها، حتى إحنا.
لو دخلت بجوجل: الاسم والإيميل والصورة اللي جوجل بيبعتهم.
بيانات الطلب: المنتجات، والبيانات اللي بتكتبها للتنفيذ (زي Player ID)، ورسايلك مع الدعم والصور اللي بتبعتها فيها.
بيانات الدفع: صور التحويل اللي بترفعها، والرقم أو عنوان إنستاباي اللي حوّلت منه، وحركات رصيد WIND. مش بنطلب ولا بنخزن بيانات كروت بنكية.
بيانات تقنية للأمان: عنوان الـ IP ونوع المتصفح لجلسات الدخول ولسجل العمليات الحساسة.
التقييمات لو كتبتها: عدد النجوم والكلام اللي كتبته عن منتج اشتريته.

بنستخدمها في إيه

تنفيذ طلبك والتأكد من الدفع.
التواصل معاك بخصوص طلبك (إشعارات في الموقع وإيميلات).
حماية حسابك والمتجر من الاحتيال.

مش بنبيع بياناتك ولا بنستخدمها في إعلانات.

مين بيشوفها

إنت وإدارة المتجر بس. صور التحويل والصور اللي في المحادثة مش علنية، وبتظهر لصاحب الطلب والإدارة وبس.
الاستثناء الوحيد: التقييم اللي بتكتبه بيظهر للكل في صفحة المنتج بعد ما الإدارة توافق عليه، ومعاه اسمك الأول وأول حرف من اسمك التاني والباقة وتاريخ التقييم بس. تقدر تعدّله أو تمسحه في أي وقت من صفحة الطلب.
مزودين بنحتاجهم عشان الموقع يشتغل: الاستضافة، وCloudflare (حماية وتسريع)، ومزود إرسال الإيميلات، وجوجل لو دخلت بيه.
الجهات الرسمية لو القانون طلب كده.

الكوكيز والتخزين على جهازك

كوكيز لتسجيل الدخول والأمان بس.
تخزين محلي على جهازك للسلة، وإعدادات الإشعارات والصوت، وآخر المنتجات اللي فتحتها. القايمة دي بتظهرلك في الرئيسية بس، مش بتتبعتلنا، وتقدر تمسحها من هناك.
مفيش إعلانات ولا أدوات تتبع من شركات تانية.

الإشعارات

بنبعتلك إيميلات تخص طلباتك بس. إشعارات المتصفح والصوت بتشتغل بإذنك، وتقدر تقفلها من صفحة الإشعارات.

بنحتفظ بيها لحد إمتى

بيانات حسابك بتفضل طول ما الحساب موجود. الطلبات والمدفوعات بنحتفظ بيها كسجلات مالية حتى لو قفلت حسابك. لو عايز تقفل حسابك أو تصحح بياناتك أو تاخد نسخة منها، كلم الدعم.

الحماية

الموقع كله على اتصال مشفّر (HTTPS).
كلمات السر مشفّرة، وتقدر تفعّل التحقق بخطوتين وتشوف أجهزتك المتصلة وتقفلها من صفحة الأمان في حسابك.
إدارة المتجر لازم تستخدم التحقق بخطوتين، وكل إجراء حساس بيتسجل.

ممكن نحدّث السياسة دي، وتاريخ آخر تحديث مكتوب فوق.