عن WIND PLAY
WIND PLAY متجر رقمي مستقل في مصر لشحن الألعاب والاشتراكات الرقمية والبرامج. إحنا مش تابعين لأي شركة ألعاب أو خدمة من اللي بنبيعها، وكل العلامات التجارية مملوكة لأصحابها.
استخدامك للموقع أو عمل طلب معناه إنك موافق على الشروط دي.
الحساب
- لازم يكون عندك حساب عشان تعمل طلب، وتأكد إيميلك.
- إنت مسؤول عن صحة بياناتك وعن سرية كلمة السر بتاعتك.
- لو سنك أقل من 18 سنة، استخدم الموقع بموافقة ولي أمرك.
- من حقنا نوقف أي حساب في حالة احتيال أو إساءة استخدام.
الطلب والأسعار
- الأسعار بالجنيه المصري، والسعر اللي بيظهرلك وقت الطلب هو اللي بيتثبت في الطلب. أي تغيير في الأسعار بعد كده مش بيأثر على طلب اتعمل.
- كوبون واحد بس لكل طلب، بالشروط اللي بتظهر لما تطبّقه (المنتجات، الحد الأدنى، الفترة، وعدد المرات). الخصم بيتثبت في الطلب. لو لغيت الطلب قبل الدفع، الكوبون بيرجع تقدر تستخدمه تاني.
- كل طلب ليه رقم وصفحة متابعة فيها حالته ومحادثة مع الدعم خاصة بيه.
- بعض الخدمات محتاجة بيانات للتنفيذ (زي Player ID أو إيميل أو اسم مستخدم). إنت مسؤول إنها تكون صحيحة.
الدفع
- الدفع بالتحويل على فودافون كاش أو إنستاباي، للرقم أو العنوان اللي ظاهر في صفحة طلبك بس. أو من رصيد WIND في حسابك لو بيغطي الطلب كله، والطلب بيتأكد على طول.
- بعد التحويل ارفع صورة التحويل من صفحة الطلب، واكتب الرقم اللي حوّلت منه. الطلب مش بيبدأ غير بعد ما الدعم يتأكد إن المبلغ وصل.
- لو المبلغ اللي وصل أقل من المطلوب، هنبلغك بالباقي في صفحة الطلب.
- ماتحوّلش لأي رقم يتبعتلك من برّه الموقع حتى لو باسمنا. الرقم الصح دايمًا في صفحة طلبك.
- إثبات دفع مزوّر أو تحويل من فلوس مش بتاعتك بيلغي الطلب ويوقف الحساب.
التنفيذ والتسليم
- الدعم بينفّذ الطلب بعد تأكيد الدفع، ومدة التنفيذ بتختلف حسب الخدمة.
- لو محتاجين منك حاجة، الطلب بيبقى «مستني ردك» وبيوصلك إشعار وإيميل.
- الأكواد والروابط بتظهر في صفحة الطلب بس، بعد ما الطلب يبقى «تم التسليم». خلي بالك منها وماتشاركهاش.
- بعد الاستلام أكّد من صفحة الطلب، ولو فيه مشكلة اكتب للدعم في نفس الصفحة. لو مأكدتش ومفيش رسالة منك لسه مستنية رد الدعم، الطلب بيكتمل لوحده بعد 3 أيام من التسليم.
الإلغاء والاسترجاع
تقدر تلغي الطلب بنفسك طول ما لسه مدفعتش. بعد الدفع، التفاصيل في سياسة الاسترجاع.
خدمات الشركات التانية
الألعاب والاشتراكات والبرامج بتخضع لشروط الشركات صاحبتها. إحنا مش مسؤولين عن قرارات الشركة دي، زي حظر حساب أو تغيير مزايا خدمة أو أسعارها.
التواصل والتعديلات
لأي سؤال عن طلب، اكتب في محادثة الطلب. لأي سؤال تاني، استخدم قنوات الدعم في صفحة الدعم.
ممكن نحدّث الشروط دي، وتاريخ آخر تحديث مكتوب فوق.